Foru Aldundia - Diputación Foral

2012ko martxoan  Rekalde Aretoak eta Kartzela Pastoraltzako Bidesari elkarteak  ArTEA ZABALDUZ elkarlaneko proiektua abiarazi zuten. Proiektu horren helburua, aretoaren erakusketa proposamena aurkeztea da, parte-hartzaileen artean elkarrizketa sustatuz aldi berean. Ahalduntze pertsonala laguntzen dugu aurkeztutako artelanen iruzkinaren bitartez.

Elkarlan honen helburu nagusiak dira:

• Rekalde Aretoko aldi baterako erakusketen bitartez arte garaikidea pertsona ez libreei hurbiltzea.
• Parte-hartzaileen arteko elkarrizketa sustatzea talde lanen bitartez.
• Arte garaikideko artelanen interpretazioa eta behaketaren bitartez, analisia eta ikuspegi kritikoa indartzea.
• Ikusmenezko hizkera bultzatzea sentimenduen adierazpena errazteko.
• Jarduera barneratzaile eta pluralak eskaintzea.
• Kartzela barruan aisialdi hezitzailearentzako leku bat sustatzea.

Saioak ordu bat eta erdiko iraupena izaten dute, 17:00etik 18:30era eta Basauriko espetxeko eskolan izaten dira hilabeteko azkenengo asteazkenetan.